››  Kataloq  ›  Industrial cleaning  ›  Personalın gigiyenası  ›  Flora Sept

FLORA SEPT

 Dezinfeksiya edici vasitə (dəri üçün antiseptik)

 

Özəllikləri: 

● Dezinfeksiya edici vasitə (dəri üçün antiseptik) əllərin və bədən dərisinin, əlcəklərin və həmçinin müxtəlif səthlərin gigiyenik və sanitar təmizlənməsi üçün nəzərdə tutulub; 

● Xüsusi dozatorların (dispenserlərin) köməyi ilə istifadə olunur; 

● Qram-müsbət (vərəm mikobakteriyaları daxil olmaqla) və qram-mənfi bakteriyalara qarşı bakterisid təsirə malikdir; 

● Dermatofitlər və Kandida göbələklərinə qarşı fungisid, parenteral hepatit və immun çatışmazlığı virusuna qarşı virulisid aktivlik göstərir; 

● 5 saata qədər təsir göstərə bilir.

 

İstifadə qaydaları: 

Əllər sabunla yuyulub qurulandıqdan sonra vasitədən 2-3ml götürülür və quruyuncaya qədər ovulur. 

Vərəmin profilaktikası üçün 3ml vasitə 2 dəqiqə ərzində biləklərə vurularaq ovulmalıdır. 

Personalın istifadə etdiyi əlcəklər vasitə ilə isladılmış 3  müxtəlif tamponla, 2 dəqiqə müddətində tam quruyana qədər sürtülməlidir.  

Xüsusiyyətləri:

Tərkibi: distillə edilmiş su, İPA, xlorheksidin biqlukonat 20%,  qliserin, D-pantenol, qoruyucu.

Saxlama şərtləri: -20˚С; +30˚С temperatur intervalında orijinal qablaşmada saxlanılmalıdır. 

Yüngül opalessensiya və azacıq çöküntü olması normaldır. Saxlanma zamanı rəng dəyişikliyi ola bilər.

Saxlama müddəti: 3 il

 

Fiziki-kimyəvi xassələri:

● Xarakterik qoxulu rengsiz, şəffaf maye;   

● рН(1%) – 7,5; 

● Sıxlığı: 0,9 q/sm3(20˚С); 

 

Tövsiyyələr:

Preparat qida və qida emalı müəssisələrində, ictimai iaşə obyektlərində, parfümer-kosmetika müəssisələrində, müalicə-profilaktika idarələrində,g eniş profilli laboratoriya işçiləri, dezinfeksiya fəaliyyəti stansiyalarının personalı üçün tövsiyə olunur. 

Vasitə, həmçinin, məişətdə əhali tərəfindən də istifadə oluna bilər. 

Kimyəvi cəhətdən havada və suda stabildir. Allergik təsirə malik deyil.

 
Təhlükəsizlik tədbirləri: 
Açıq alovla təmasdan alovlanır. Təhlükəsizlik tədbirlərinə riayət olunmalıdır. 
Günəş şüaları altında və qızdırıcı cihazların yaxınlığında saxlamayın.  
Göz və ya selikli qişaya düşdükdə çoxlu miqdarda axar su ilə yuyulmalıdır. 
Zərurət olarsa həkimə müraciət edilməlidir. Uşaqlardan uzaq tutulmalıdır.